តើ Oracle ហើយ MySQL ខុសគ្នាដូចម្តេច? | Difference between MySQL and Oracle

    MySQL និង Oracle គឺជាមូលដ្ឋានផ្ទុកទិន្នន័យដ៏ល្បីល្បាញពីរ ដែលត្រូវបានប្រើប្រាស់នៅក្នុងក្រុមហ៊ុនតូច និងធំ។ ទោះបី Oracle ហើយ MySQL ពេញនិយមក៏ដោយក៏វាទាំងពីមានលក្ខណៈខុសគ្នាច្រើនដែរ។ Oracle វាមានភាពល្អប្រសើរជាងបើប្រៀបធៀបទៅនិង MySQL។ នៅក្នុងអត្ថបទនេះយើងហ្នឹងលើកយកការប្រៀបធៀបរវាង Oracle and MySQL តែមុននិងធ្វើការប្រៀបធៀបយើងត្រូវយល់នូវនិយមន័យរបស់វាជាមុនសិន។

តើ MySQL គឺជាអ្វី?

MySQL គឺជាប្រព័ន្ធគ្រប់គ្រងមូលដ្ឋានទិន្នន័យដ៏ពេញនិយមដែលប្រើសម្រាប់ការគ្រប់គ្រងមូលដ្ឋានទិន្នន័យទំនាក់ទំនង។ វាកម្មវិធីកូដបើកចំហ (open-source) ដែលគាំទ្រដោយក្រុមហ៊ុន Oracle ។ វាលឿន, អាចធ្វើមាត្រដ្ឋានបាន, និងងាយស្រួលគ្រប់គ្រងទិន្នន័យបើប្រៀបធៀបទៅនិង MS SQL Server ហើយនិង Oracle Database ។ វាត្រូវបានគេប្រើជាទូទៅជាមួយស្គ្រីប (Script) PHP សម្រាប់បង្កើតកម្មវិធីផ្នែកខាងម៉ាស៊ីនមេ (server-side) ឬ web-based។

លក្ខណៈសំខាន់ៗនៃ MySQL ត្រូវបានផ្តល់ឱ្យខាងក្រោម៖

• វាងាយស្រួលប្រើប្រាស់
• វាមានសុវត្ថិភាព ដោយសារពាក្យសម្ងាត់ត្រូវបានអ៊ិនគ្រីប (encrypt) នៅក្នុង MySQL
• វាឥតគិតថ្លៃ និងប្រភពបើកចំហ (open-source)
• វាអាចធ្វើមាត្រដ្ឋានបាន (scalable)
• វាអនុញ្ញាតឱ្យមានប្រតិបត្តិការ rolled back, commit, និងការស្តារការគាំង
• វាផ្តល់នូវប្រសិទ្ធភាពខ្ពស់, ភាពបត់បែនខ្ពស់, និងផលិតភាពខ្ពស់

តើ Oracle គឺជាអ្វី?

Oracle គឺជាប្រព័ន្ធមូលដ្ឋានទិន្នន័យទំនាក់ទំនងដែលផ្តល់នូវ self-driving, self-securing, self-repairing, និងត្រូវបានរចនាឡើងដើម្បីលុបបំបាត់ការគ្រប់គ្រងមូលដ្ឋានទិន្នន័យដោយដៃដែលមានកំហុស។ Oracle គឺជា cross-platform មួយដែលអាចដំណើរការលើប្រព័ន្ធប្រតិបត្តិការផ្សេងៗ។ វាអនុញ្ញាតឱ្យរក្សាទុក និងទាញយកទិន្នន័យបានយ៉ាងឆាប់រហ័ស និងដោយសុវត្ថិភាព។ វាអាចប្រើបានដោយឥតគិតថ្លៃសម្រាប់សិស្ស ប៉ុន្តែមិនអាចប្រើសម្រាប់គោលបំណងពាណិជ្ជកម្មបានទេ។ វាគឺជាកម្មវិធីមូលដ្ឋានទិន្នន័យដំបូងគេដែលត្រូវបានបង្កើតឡើងសម្រាប់គោលបំណងអាជីវកម្មដើម្បីរៀបចំទិន្នន័យដោយប្រើ query language។ 

លក្ខណៈសំខាន់ៗនៃ Oracle ត្រូវបានផ្តល់ឱ្យខាងក្រោម៖

• Oracle គឺជាកម្មវិធី Cross- platform ព្រោះវាអាចដំណើរការលើប្រព័ន្ធប្រតិបត្តិការផ្សេងៗ ដូចជា Windows, Linux, Mac ជាដើម
• វាអាចធ្វើមាត្រដ្ឋាន, ចល័ត, ចែកចាយ, និងអាចសរសេរកម្មវិធីបាន
• វាអាចគ្រប់គ្រងទិន្នន័យមួយចំនួនធំបានយ៉ាងឆាប់រហ័ស
• Oracle មានបណ្តុំបណ្តាញដែលអាចឱ្យយើងប្រាស្រ័យទាក់ទងគ្នារវាងកម្មវិធីនានានៅលើ Platform ផ្សេងៗជាមួយនឹងមូលដ្ឋានទិន្នន័យ oracle យ៉ាងរលូន
• វាមានឧបករណ៍គ្រប់គ្រងការងើបឡើងវិញដែលផ្តល់នូវ cold, hot, និងបង្កើនការបម្រុងទុកមូលដ្ឋានទិន្នន័យ និងការស្តារឡើងវិញ

ដូចដែលបានរៀបរាប់ខាងលើយើងអាចធ្វើការប្រៀបធៀបរវាង Oracle and MySQL បានដូចខាងក្រោម៖

ការប្រៀបធៀប	MySQL	Oracle
Introduction	វា​ជា​ប្រព័ន្ធ​គ្រប់គ្រងទិន្នន័យ cross-platform ដែលត្រូវបានបង្កើតឡើងដោយក្រុមហ៊ុនស៊ុយអែត MYSQL AB ហើយបច្ចុប្បន្នត្រូវបានគាំទ្រដោយ Oracle	Oracle គឺជាប្រព័ន្ធទិន្នន័យដែលប្រើប្រាស់ object-oriented។ វាអនុញ្ញាតឱ្យរក្សាទុក និងទាញយកទិន្នន័យបានយ៉ាងឆាប់រហ័ស និងដោយសុវត្ថិភាព។ វាអាចគ្រប់គ្រងទិន្នន័យមួយចំនួនធំ
Release	វាត្រូវបានចេញផ្សាយនៅឆ្នាំ 1995	វាត្រូវបានចេញផ្សាយនៅឆ្នាំ 1980
Cost	វាឥតគិតថ្លៃ និងប្រភពបើកចំហ។ វាត្រូវបានអនុញ្ញាតនៅក្រោម GNU	វាត្រូវបានអនុញ្ញាតសម្រាប់គោលបំណងពាណិជ្ជកម្ម, ប៉ុន្តែវាឥតគិតថ្លៃសម្រាប់សិស្ស​​​​
Scalability	MySQL ត្រូវបានប្រើសម្រាប់អាជីវកម្មខ្នាតតូច និងធំ	ត្រូវបានប្រើសម្រាប់ការដាក់ពង្រាយទ្រង់ទ្រាយធំ
Data Partitioning	វាមិនគាំទ្រការបែងចែកទិន្នន័យទេ	វាអាចធ្វើការបានទាំង static and dynamic
Null Value	MySQL គាំទ្រតម្លៃទទេ	Oracle មិនគាំទ្រតម្លៃទទេទេ
Character	MySQL គាំទ្រតែតួអក្សរពីរគឺ CHAR និង VARCHAR	Oracle គាំទ្រតួអក្សរបួនផ្សេងគ្នាគឺ CHAR, VARCHAR2, NCHAR, និង NVARCHAR2
Backup Mechanism	វាផ្តល់នូវយន្តការបម្រុងទុកពីរគឺ mysqlhotcopy និង mysqldump	វាផ្តល់នូវយន្តការបម្រុងទុកជាច្រើនដែលមានដូចជា backup, hot backup, import, export, etc.
XML Support	វាមិនគាំទ្រ XML ទេ	វាគាំទ្រ XML
Storage Features	វា​មាន​លក្ខណៈ​ពិសេស​នៃ​ការ​ផ្ទុក​មួយ​ចំនួន​ប៉ុណ្ណោះ​ដូច​ជា tablespace, synonym, packages និង​ជា​ច្រើន​ទៀត​	វា​គាំទ្រ​លក្ខណៈ​ពិសេស​នៃ​ការ​ផ្ទុក​ជា​ច្រើន​ដែល​ជា tablespace, synonym, packages ជាដើម
Locking facility	MySQL has only a table locking facility	Oracle has table locking as well as a row locking facility.
Language support	MySQL គាំទ្រតែភាសា SQL ប៉ុណ្ណោះ	Oracle គាំទ្រទាំងភាសា SQL និង PL/SQL
Operating System Support	វាគាំទ្រប្រព័ន្ធប្រតិបត្តិការដូចខាងក្រោមៈ Windows Mac OS X Linux UNIX z/OS BSD Symbian AmigaOS	វាគាំទ្រប្រព័ន្ធប្រតិបត្តិការដូចខាងក្រោមៈ Windows Mac OS X Linux UNIX z/OS

បន្ទាប់ពីលោកអ្នកសិក្សាបានអានអត្ថបទខាងលើហើយ តើលោកអ្នកគិតយ៉ាងណាដែរ។ បើសិនជាការ Research និងការបកប្រែរបស់ខ្ញុំមានកន្លែងណាខុសឆ្គងសូមអភ័យទោសផង។ សូមអគុណ។

Referent: https://www.javatpoint.com/